Undergolv - snekker

Hei! Vi er plaga av mykje knirking i kantane på golvet i hovudrommet i leilegheita vår, som til saman utgjer gang og stove. I samband med at vi skal skifte "overlaget" på golvet (til laminat), ønsker vi å gjere noko med dette. Vi har teke vekk eit lag med linoleum, og under dette ligg det eit lag med sponplater som vi har prøvd å feste noko betre (med skruer), men utan at det har endra noko på knirkinga. Vi er redd vi må ta opp og gjere noko med bjelkelaget under. Vi veit i det heile teke lite om kva som ligg under sponplatene. Dette er litt utanfor vårt kompetanseområde, og vi treng difor hjelp til: - å vurdere kva som bør gjerast - og å eventuelt gjere den jobben som trengst med undergolvet. Vi kan i utgangspunktet legge på sponplater, laminat og lister igjen sjølve, men det kan vere aktuelt å be om hjelp til dette også, så vi vil vere interesserte i ein pris på dette arbeidet også. Rommet er cirka 22 kvadratmeter golvareal. Det er ikkje "firkanta". "Gang"-delen av rommet har to "avstikkarar" - ein som går inn til eit soverom og ein inn til til bad/do. I stovedelen ligg litt av golvet under trappa, men er elles "firkanta". Fortrinnsvis ønsker vi nokon som kan gjere jobben så snart som mogleg. Det er litt kronglete å bu på sponplater. Arbeidet må i alle høve vere ferdig før 10. august.